🌼JNisha Theen Novels🌼ஜெநிஷா தீன் தமிழ் நாவல்கள் தளத்தில் காதலின் கதைகளை வாசித்து மகிழுங்கள்.

அவன் மிரட்டலில் அவனை ஒட்டி அமர்ந்தாலும், அந்த மிரட்டலுக்குப் பின்னே உள்ள, அவள் மீதான அன்பையும் அக்கறையும் உணர்ந்தே இருந்தவள், நிமிடங்கள் செல்லச் செல்ல, பெயருக்கு பற்றி இருந்த கணவனின் இடையை, அழுத்தமாக இறுக்கிக் கொண்டு, அவன் முதுகிலும் உரிமையாகவே சாய்ந்து கொண்டாள். கூடவே ஆறடி உயரத்தில், அவனுக்கே உரிய பிரத்தியேக வாசத்தோடு, சாலை விதிகளையும் சரியாக கடைபிடித்தபடி, அவ்வப்போது கண்ணாடியூடு அவளைப் பார்த்து, புருவத்தையும் ஏற்றி இறக்கி, மிதமான வேகத்தில் வாகனத்தைச் செலுத்தியவனை விட்டு, அவள் விழிகளை விலக்காமலே அமர்ந்திருக்க, மனைவியின் அந்தப் பார்வையில்,  இதழ் மலர்ந்த புன்னகையோடே, வாகனத்தை விரட்டியவன், ஒரு பிரபலமான உணவு விடுதிக்குத்தான் அவளை அழைத்து வந்து நிறுத்தி இருந்தான். மேல்தட்டு மக்கள் பலரும் விரும்பி வரக்கூடிய, கோவையின் ரேஸ்கோர்ஸ் பகுதியில் இருந்த அந்த உணவுவிடுதியைக் கண்டதுமே நெஞ்சுக்குள் என்னவோ செய்தது சிற்பிக்கு. அர்ஜுனை சந்திக்கும் முன், அவள் அப்பாவின் செல்ல மகளாய் இருந்த காலங்களில், மாதத்திற்கு ஒருமுறையாவது மனைவி, மகளை அங்கே அழைத்து வந்து விடுவார் அவளின் அப்பா வேதாச்சலம். அழைத்து ...

எத்தனை நொடிகளோ, அல்லது நிமிடங்களா? என்று தெரியாத வண்ணம், இதழ்கள் நான்கும் உறவாடிக் கிடக்க, நீண்ட நாட்கள் தாகத்தில் இருந்தவனுக்கு குளிர்நீரே கிடைத்தது போலத்தான் மனைவியின் இதழ்களில் இளைப்பாறிக் கிடந்தான் செந்தமிழ்ச் செழியன்.   மனைவியின் அழுகையை நிறுத்துவதற்காக வேண்டி, அதிரடியாய் இதழ்களைக் கொய்து இருந்தாலும், சமீப காலங்களில் அவளை தன்னவளாய் ஏற்று, தன்னையும் அவளுக்கு தாரைவார்க்கத் துடிப்பவன், அந்தக் கன்னிப் பெண்ணவளின் சின்னஞ்சிறு இதழ்களில் தன் முரட்டு அதரங்களால் கவிபாடத் துவங்கினான்.   கற்பித்தல் வித்தையில் சகலமும் அறிந்தவன், முத்தமிடும் கலையையும் நன்றாகவே தெரிந்து வைத்திருப்பான் போலும்.   இதழ் ஒற்றலுக்கு வாகாக பெண்ணவளின் கன்னங்களைப் பற்றி, இப்படியும் அப்படியுமாய், இஷ்டத்திற்குத் திருப்பி, நீண்ட நேரம் முத்தப்போர் நடத்தியவன் செயலில், அத்தனை நேரம் அழுகையிலும் கலக்கத்திலும், சோர்ந்து இருந்த பெண்ணின் கன்னங்கள், 'அய்யோ என்ன, என்ன பண்றாங்கா இவங்க?' என்று வெட்கத்திலும் நாணத்திலும்,  சிவந்து விட்டிருந்தது.   அவன் இதழ்கள் தந்த நூதன அவஸ்தை தாளாது, அவள் கன்னங்களுக்குப் போட்டியா...

அன்றைய நாளில் மட்டுமல்லாது, அடுத்து வந்த ஒன்றிரண்டு நாட்களுக்கும், செழியன், சிற்பியின் திருமண விசயம் தான் கல்லூரி முழுதிலும், பேசு பொருளாய் ஆகி இருக்க, அதை முன்கூட்டியே கணித்திருந்தவனோ, தன்னோடு மனைவிக்கும் சேர்த்தே, ஒரு வாரகாலம் விடுமுறையை எடுத்து, வீட்டிலேயே இருந்து கொண்டான் செழியன். செழியனும் சிற்பியும், தம்பதியர் என்ற செய்தியிலே வெகுவாக அதிர்ந்து போன ராம்சரணுக்கு, விடுமுறையில் இருக்கும் செழியனை அலைபேசியில் அழைத்து தொல்லை செய்யவும் விருப்பம் இல்லாமல் இருக்க, ஒருமாதிரி குழப்ப மனநிலையில் தான் சுற்றிக் கொண்டிருந்தான். குழம்பிய குட்டையில் தான் மீனைப் பிடிக்க முடியும், என்று தப்பாக கணக்கைப் போட்டாளோ என்னவோ, "ராம் சார்" என்று அவனைத் தேடி வந்திருந்தாள் யாழினி. சமீப நாட்களாகவே, அவளின் காதல் இம்சைகள் அதிகரித்துக் கொண்டே இருப்பதில், அவளை தவிர்க்க முடியாது திண்டாடிக் கொண்டிருப்பவன், "ஹான், வாட் ஹேப்பன் யாழினி?" என்று அவள் விழிகளைப் பாராமலே கேட்டிருக்க, அதில் சிறிதாக புன்னகை புரிந்தவளும், "வர வர ரொம்ப பண்றீங்க ராம் சார். உங்களைப் போல, சும்மா பாக்கிறதுக்கெல்லாம் நா கன்னம்...

மனைவி ஓடி வந்து அணைத்துக் கொண்ட வேகத்திலே, ஏதோ விபரீதம் என்று கண்டு கொண்டவன், தாங்கள் இருக்கும் இடத்தை எண்ணி நொடி நேரம் தயங்கினாலும், அடுத்த நொடி தன் மார்பில் புகுந்தவளை இறுக அணைத்திருந்தான் செந்தமிழ்ச் செழியன். அதில் இன்னுமே அவன் மார்போடு ஒன்றிக் கொண்டவள், "ட்ரைனர் ட்ரைனர்," என்று வார்த்தைகள் வராது தேம்ப, "ரிலாக்ஸ்மா ரிலாக்ஸ்" என்று ஒரு கையால் அவள் முதுகைத் தடவிக் கொடுத்தவன், "ஒன்னும் இல்ல, ஒன்னும் இல்ல" என்று மறு கையால் அவள் விழி நீரையும் துடைத்து விட்டான். ஆணின் அந்த அரவணைப்பில் அவள் விழியில் மென்மேலும் நீர்க் கசிய, "ட்ரைனர் ட்ரைனர், அங்க ரெஸ்ட்ரூம்ல, என்ன பத்தி, தப்பா" என்று அவள் சற்று முன்னர், சுவரில் படித்த வார்த்தைகளின் தாக்கத்தால் அவள் வார்த்தைகள் திக்கித் திணறியது. திணறலாகச் சொன்னாலும், ஓரளவு அவள் கூற வருவதைப் புரிந்து கொண்டவனுக்கு, கை முஷ்டிகள் இறுக, "அங்க என்னவா இருந்தாலும் நா பாத்துக்குறேன் கேர்ள். முதல்ல நீ அமைதியா இரு. ஒன்னும் பிரச்சனை இல்ல. ரிலாக்ஸ்" என்று அவளை அங்கிருந்த திண்டில் அமர்த்தி, அவள் தோழிகள் தந்த நீரையும் கொடு...